ରାଜ୍ୟ କଂଗ୍ରେସକୁ ‘ଭକ୍ତ’ ଭରସା

ଭୁବନେଶ୍ବର, ୧୩/୨ :  ଦୀର୍ଘ ଦିନ ପ୍ରତୀକ୍ଷାର ଅନ୍ତ  ଘଟିଛି। ଶେଷରେ ସଭାପତି ଘୋଷଣା କରିଛି ରାଜ୍ୟ କଂଗ୍ରେସ । ଗତ ୮ ମାସ ହେବ ମୁଖିଆ ଶୂନ୍ୟ ହୋଇ ପଡ଼ିଥିବା ରାଜ୍ୟ କଂଗ୍ରେସକୁ ମିଳିଛି ବଳ । ଭକ୍ତ ଦାସ ହୋଇଛନ୍ତି ନୂଆ ପ୍ରଦେଶ କଂଗ୍ରେସ କମିଟି (ପିସିସି) ସଭାପତି । ପଶ୍ଚିମ ଓଡ଼ିଶାର ଟାଣୁଆ ନେତା ତଥା ଭବାନୀପାଟଣାର ପୂର୍ବତନ ବିଧାୟକ ଭକ୍ତ ଦାସ । AICC ପକ୍ଷରୁ ଏ ନେଇ ବିଜ୍ଞପ୍ତି ପ୍ରକାଶ ପାଇଛି । ଭକ୍ତ ଦାସଙ୍କୁ ପିସିସି ସଭାପତି ଭାବେ ଚୟନ କରିଛନ୍ତି କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡ୍‌ଗେ । ରାଜ୍ଯ କଂଗ୍ରେସର ମୁଖିଆ ଭାବରେ ତାଙ୍କୁ ଦାୟିତ୍ୱ ମିଳିଛି ଏ ଗୁରୁ ଦାୟିତ୍ୱ। ଏଆଇସିସି ପକ୍ଷରୁ ପ୍ରକାଶ ପାଇଥିବା ପ୍ରେସ ଇସ୍ତାହାରରେ ଏହା ଜଣାପଡିଛି  । ଫଳରେ ପଶ୍ଚିମ ଓଡିଶା ତଥା ତାଙ୍କ ପ୍ରଶଂସକଙ୍କ ଗହଣରେ ଖୁସିର ମାହୋଲ ଦେଖିବାକୁ ମିଳିଛି  । ରାଜ୍ଯ କଂଗ୍ରେସର ମୁଖିଆ ଭାବରେ ତାଙ୍କୁ ଦାୟିତ୍ୱ ମିଳିଛି ଏ ଗୁରୁ ଦାୟିତ୍ୱ। ଏଆଇସିସି ପକ୍ଷରୁ ପ୍ରକାଶ ପାଇଥିବା ପ୍ରେସ ଇସ୍ତାହାରରେ ଏହା ଜଣାପଡିଛି  । ଫଳରେ ପଶ୍ଚିମ ଓଡିଶା ତଥା ତାଙ୍କ ପ୍ରଶଂସକଙ୍କ ଗହଣରେ ଖୁସିର ମାହୋଲ ଦେଖିବାକୁ ମିଳିଛି  ।

ସୂଚନାଯୋଗ୍ୟ, ୨୦୨୪ ଜୁଲାଇ ୨୪ ରେ ରାଜ୍ଯ କଂଗ୍ରେସକୁ ଭଙ୍ଗ କରାଯାଇଥିଲା । ଏହାକୁ ଖଡଗେ ଭଙ୍ଗ କରିଥିଲେ ସେହିସମୟରେ  ।  ସେତେ ଦିନରୁ ରାଜ୍ଯ କଂଗ୍ରେସରେ ଏ ପଦ ଖାଲି ପଡ଼ିଥିଲା। ନିର୍ବାଚନ ପରେ ଦୀର୍ଘ ଦିନରୁ ଏ ପଦ ଖାଲି ପଡିଥିବା ଦେଖିବାକୁ ମିଳିଥିଲା । ଫଳରେ କଂଗ୍ରେସ ରାଜ୍ଯ ମୁଖିଆର ସନ୍ଧାନରେ ଥିଲା  । ଯାହା ଏବେ ତାହାକୁ ମିଳିଛି ଭକ୍ତ ଦାସ ରୂପରେ  ।

ଭକ୍ତ ଦାସ ୧୫ ତମ ଲୋକସଭାରେ ସେ କଳାହାଣ୍ଡିରୁ ସାଂସଦ ଭାବରେ ନିର୍ବାଚିତ ହୋଇଥିଲେ  । ଜଣେ ସମାଜସେବୀ, ଓକିଲ ତଥା ସାମ୍ୱାଦିକ ଭାବରେ ମଧ୍ଯ ତାଙ୍କର ସ୍ୱତନ୍ତ୍ର ପରିଚୟ ରହିଛି  । ୧୯୮୫ ମସିହାରେ ଭକ୍ତ ଦାସ  ଭବାନୀପାଟଣାରୁ ଭକ୍ତ ଦାସ ବିଧାୟକ ଥିଲେ  । ୧୯୮୯ ମସିହାରେ ସେ କେନ୍ଦ୍ର କ୍ରୀଡା ଓ ଯୁବ ବ୍ଯାପର ମନ୍ତ୍ରୀ ଭାବରେ ମଧ୍ଯ ଦାୟିତ୍ୱ ନିର୍ବାହ କରି ସାରିଛନ୍ତି  । କେନ୍ଦ୍ର ରେଳ ରାଷ୍ଟ୍ରମନ୍ତ୍ରୀ ମଧ୍ଯ ରହି ସାରିଛନ୍ତି ନୂଆ ପିସିସି ସଭାପତି  । ଏବେ ଦେଖିବାକୁ ବାକି ରହିଲା ଓଡ଼ିଶା କଂଗ୍ରେସର ଗାଡ଼ିକୁ ଭକ୍ତ ଦାସ କେତେ ଦୂର ଆଗକୁ ନେଇପାରୁଛନ୍ତି । ନା ପୁଣି ଥରେ କଂଗ୍ରେସ ତାର ପୁରୁଣା ରୋଗ ବାହାର କରି ବୟାନ ବାଜିରେ ସୀମିତ ରହିବେ ନେତା ।