ମୁଁ ପୀୟୂଷ ତ୍ରିପାଠୀ , ହେବି କାହାର ?

ଭୁବନେଶ୍ବର, ୭/୩ :  ପୁଣି ଯାତ୍ରା କଳାକାର ପୀୟୂଷ ତ୍ରିପାଠୀଙ୍କ ନାଁରେ ଆସିଲା ଅଭିଯୋଗ । ସମାନ ଅଭିଯୋଗ ଯାହା ଟଙ୍କା ପାଇଁ, ମାତ୍ର ବ୍ୟକ୍ତି ଭିନ୍ନ । ସେତେବେଳେ ଆଣିଥିଲେ ଯାତ୍ରା ସିଂହ ବାହିନୀ ମାଲିକ ସଞ୍ଜିବ ପାଢୀ ଆଉ ଏବେ ଯାତ୍ରା ସୂର୍ଯ୍ୟ ମନ୍ଦିରର ମାଲିକ ଇଂ ପ୍ରମୋଦ କୁମାର ସ୍ବାଇଁ ଆଣିଛନ୍ତି । ସୂର୍ଯ୍ୟ ମନ୍ଦିର ମାଲିକଙ୍କ ଅଭିଯୋଗ ଅନୁସାରେ ଯାତ୍ର କଳାକାର ପୀୟୂଷ ତ୍ରିପାଠୀ ୨୦୨୪-୨୬ ପାଇଁ ବାର୍ଷିକ ୪୦ ଲକ୍ଷ ଲେଖାଏଁ ଚୁକ୍ତି କରିଛନ୍ତି । ଗତ ଦିନରେ ଗଣମାଧ୍ୟମ ସାମ୍ନାରେ ପୀୟୂଷ ମତ ରଖିବା ପରେ ଆଜି ପୁଣି ଦେଖାଦେଇଛି ବିବାଦ ।  

ପୀୟୂଷଙ୍କୁ ନେଇ ସାଂଘାତିକ ଅଭିଯୋଗ ଆଣିଲେ ସୂର୍ଯ୍ୟମନ୍ଦିର ମାଲିକ ପ୍ରମୋଦ ସ୍ବାଇଁ । ୨୦୨୪-୨୬ ଯାଏଁ ଚୁକ୍ତିନାମା ହୋଇଥିଲା । ଦୁଇ ବର୍ଷ ଲାଗି ସଂପୂର୍ଣ୍ଣ ପଇସା ନେଇଛନ୍ତି ଏବେ ଅନ୍ୟ ପାର୍ଟିକୁ ଯିବା କଥା ଶୁଣି ଅସନ୍ତୁଷ୍ଟ ପ୍ରକାଶ କରିଛନ୍ତି ସୂର୍ଯ୍ୟମନ୍ଦିର ଯାତ୍ରା ପାର୍ଟିର ମାଲିକ ଇଂ ପ୍ରମୋଦ କୁମାର ସ୍ବାଇଁ  । ପ୍ରମୋଦଙ୍କ କହିବା ଅନୁସାରେ ପୀୟୂଷ କେଉଁ ପରିସ୍ଥିତିରେ ସିଂହବାହିନୀ ଯିବା କଥା କହିଛନ୍ତି ମୁଁ ଜାଣି ନାହିଁ । ସେ ୨୦୨୪-୨୬ ପାଇଁ ସୂର୍ଯ୍ୟମନ୍ଦିର ସହ ଚୁକ୍ତି କରିଛନ୍ତି । ଏଥିପାଇଁ ବାର୍ଷିକ ସେ ୪୦ ଲକ୍ଷ ମଧ୍ୟ ନେଇଛନ୍ତି । ଟଙ୍କା ନେଣର ସମସ୍ତ ତଥ୍ୟ ପ୍ରମାଣ ମୋ ପାଖରେ ଅଛି । ୨୬ ପର୍ଯ୍ୟନ୍ତ ରହିବାକୁ ସେ ମୋ ସହ ଏଗ୍ରିମେଣ୍ଟ କରିଛନ୍ତି । ୩ ଦିନ ତଳେ ଫୋନ୍ ରେ ପୀୟୂଷ ମୋ ସହ କଥା ହୋଇ କହିଥିଲେ ବାବୁ ମୁଁ ଆପଣଙ୍କ ସହିତ ଅଛି । ଆସନ୍ତା ଜୁନରେ ଆମର ନୂଆ ଆଖଡ଼ା ଆରମ୍ଭ ହେବ, ସେତେବେଳେ ଜଣାପଡ଼ିବ ସେ କ’ଣ କରୁଛନ୍ତି ।

ସୂର୍ଯ୍ୟମନ୍ଦିରରେ ଅଭିନୟ ପାଇଁ ପ୍ରଥମ ବର୍ଷ ପୀୟୂଷ ୪୫ ଲକ୍ଷ ନେଇ ସାରିଛନ୍ତି । ଦ୍ବିତୀୟ ବର୍ଷ ପ୍ରାୟ ୭୫ ଲକ୍ଷ ନେଇଛନ୍ତି ୨୪ରୁ ୨୬ ପାଇଁ ସେ ସବୁ ଟଙ୍କା ନେଇ ସାରିଛନ୍ତି ।  ମୁଁ ଭାବୁଛି କୌଣସି ଉପସ୍ଥିତି ଉପୁଜିବନି ବୋଲି କହିଛନ୍ତି ସୂର୍ଯ୍ୟମନ୍ଦିର ମାଲିକ ପ୍ରମୋଦ ସ୍ୱାଇଁ । ସେପଟେ ସୂର୍ଯ୍ୟମନ୍ଦିରରରେ ରହିବେନି ବୋଲି ପୀୟୂଷ ସିଧାସିଧା କୌଣସି ସ୍ଥାନରେ କହିନାହାଁନ୍ତି କିମ୍ୱା ଏ ନେଇ ମନା କରିନାହାନ୍ତି ବୋଲି ପ୍ରମୋଦ ସ୍ପଷ୍ଟ କରିଛନ୍ତି । ପୀୟୂଷଙ୍କ ସୂର୍ଯ୍ୟମନ୍ଦିରର ନୂଆ ନାଟକ ବାବଦରେ ଖଣ୍ଡଗିରିରେ ଘୋଷଣା କରିଛନ୍ତି । ଆଗକୁ ସେ ଯାହା କରିବେ, ଆମେ ପଦକ୍ଷେପ ନେବୁ । ଯଦି ପୀୟୂଷ ଆଗକୁ ଆମ ସହ ନ ରହିଲେ ତେବେ ଆଇନଗତ ପଦକ୍ଷେପ ନେବୁ ବୋଲି କହିଛନ୍ତି ସୂର୍ଯ୍ୟମନ୍ଦିର ମାଲିକ ।