ଅଜିତ ପୱାରଙ୍କ ବିମାନ ଦୁର୍ଘଟଣାର ଆସିଲା ରିପୋର୍ଟ

ନୂଆଦିଲ୍ଲୀ,୨୮/୨ : ଏନ୍‌ସିପି ନେତା ତଥା ମହାରାଷ୍ଟ୍ରର ପୂର୍ବତନ ଉପମୁଖ୍ୟମନ୍ତ୍ରୀ ଅଜିତ ପୱାରଙ୍କ ବିମାନ ଦୁର୍ଘଟଣାର ଆସିଲା ରିପୋର୍ଟ । ଘଟଣାରେ ବିମାନ ଦୁର୍ଘଟଣା ତଦନ୍ତ ବ୍ୟୁରୋ (AAIB) ପ୍ରାରମ୍ଭିକ ରିପୋର୍ଟ ପ୍ରକାଶ କରିଛି। ରିପୋର୍ଟ ଅନୁଯାୟୀ, ଅଜିତଙ୍କ ବିମାନ VT-SSKର କ୍ରୁ ବାରାମତୀ ପାଖକୁ ଆସୁଥିବା ସମୟରେ ରନ-ୱେ ଦୃଶ୍ୟମାନତା ପାଇଁ ଅନୁରୋଧ କରିଥିଲେ। ରନ-ୱେ ଦୃଶ୍ୟମାନ ପାଇଁ ବିମାନବନ୍ଦର ଟାୱାର ଦୃଶ୍ୟମାନତା ମାର୍କରଗୁଡ଼ିକୁ ୩୦୦୦ମିଟର ପର୍ଯ୍ୟନ୍ତ ଦୃଶ୍ୟମାନ ଥିବା ଉତ୍ତର ଦେଇଥିଲା। ଏହା ସହିତ ଟାୱାର ପବନ ଶାନ୍ତ ଥିବା ସୂଚନା ଦେଇ ଅବତରଣ କ୍ଲିୟରାନ୍ସ ଦେଇଥିଲା।

ତଦନ୍ତ ସମୟରେ ଉଭୟ ଫ୍ଲାଇଟ୍ ରେକର୍ଡର, ସଲିଡ୍-ଷ୍ଟେଟ୍ ଫ୍ଲାଇଟ୍ ଡାଟା ରେକର୍ଡର (SSFDR) ଏବଂ ସଲିଡ୍-ଷ୍ଟେଟ୍ କକପିଟ୍ ଭଏସ୍ ରେକର୍ଡର (SSCVR) ବିମାନ ଦୁର୍ଘଟଣାସ୍ଥଳୀରୁ ମିଳିଥିଲା। ଉଭୟ ରେକର୍ଡରକୁ ଭଗ୍ନାଂଶରୁ ବାହାର କରାଯାଇ ଡାଟା ପୁନରୁଦ୍ଧାର ଏବଂ ଅଧିକ ବିଶ୍ଳେଷଣ ପାଇଁ କ୍ୱାରେଣ୍ଟାଇନ୍ କରାଯାଇଥିଲା।

ସୂଚନାଯୋଗ୍ୟ ଯେ, ଏନ୍‌ସିପି ନେତା ତଥା ମହାରାଷ୍ଟ୍ରର ପୂର୍ବତନ ଉପମୁଖ୍ୟମନ୍ତ୍ରୀ ଅଜିତ ପୱାରଙ୍କର ଗତ ଜାନୁଆରୀ ୨୮ରେ ବିମାନ ଦୁର୍ଘଟଣାରେ ମୃତ୍ୟୁ ଘଟିଥିଲା। ଦୁର୍ଘଟଣାର ପ୍ରାୟ ତିନି ସପ୍ତାହ ଅତିକ୍ରାନ୍ତ ହୋଇସାରିଥିବାବେଳେ ଅଜିତଙ୍କ ପତ୍ନୀ ତଥା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ସୁନେତ୍ରା ପୱାର ଏହି ଘଟଣାର ସିବିଆଇ ତଦନ୍ତ ଦାବି କରିଥିଲେ।