ସବୁ ତାଙ୍କରି ଇଛା, ନା ଆଉ କିଛି ?

ଭୁବନେଶ୍ବର,୧୭/୬ : କାଳିଆ ସାଆନ୍ତ । ବ୍ରହ୍ମାଣ୍ଡ ନାଥ । ସବୁ ତାଙ୍କରି ଇଛାରେ ଚାଲେ । ପତ୍ରଟିଏ ବି ହଲେନି । ଆଜିଠୁ କାଳିଆ ସାଆନ୍ତେଙ୍କ ନବଦିନାତ୍ମକ ଯାତ୍ରା ଆରମ୍ଭ ହୋଇଛି । ହେଲେ ଆଜି କାଳିଆକୁ ଦେଖି ଭକ୍ତଙ୍କ ମନରେ ବେଶ୍ ପ୍ରଶ୍ନ ଉଠିଛି । ଯାହା ସ୍ବଭାବିକ । କାରଣ କେହି କେବେ ରଥଯାତ୍ରା ପରି ଦିନରେ ତା’ର ପ୍ରିୟର ଠାକୁରକୁ ଖାଲି ମଥାରେ ଦେଖି ନାହିଁ କି ଦେଖି ପାରିବନି । ଆଉ ଆଜିର ଚିତ୍ର ଏହାହିଁ କିଛି ଥିଲା । ଯାହା ଭକ୍ତର ହୃଦୟକୁ ରୁନ୍ଧି ପକାଇଛି । ଭକ୍ତ ଆଜି ଆଖିରୁ ଲୁହ ଝରାଉଛି । ମନରେ ଗୋଟିଏ ପ୍ରଶ୍ନ ତା‘ କାଳିଆର ଟାହିଆ କେଉଁଆଡ଼େ ଗଲା । ସତରେ ତା’ ଭାବର ଠାକୁର କ’ଣ ଆଜି ଋଷିଛି । ସୋସିଆଲ ମିଡ଼ିଆ ହେଉ କିମ୍ବା ଟିଭି ପରଦାରେ ବି ଏ ଚିତ୍ର ବେଶ ନିରାଶ ଥିଲା । ଯାହା ଗୋଟିଏ ଭକ୍ତ ପାଇଁ ଅରୁଚିକର ।

ଏ ଉତ୍କଳର ମଉଡ଼ମଣିଙ୍କୁ ବିନା ଟାହିଆରେ କ’ଣ କେହି କେବେ ଦେଖି ସହି ପାରିବ । ଆଜି ପ୍ରତିଟି ଓଡ଼ିଆ ମନରେ ଗୋଟିଏ ପ୍ରଶ୍ନ କ’ଣ ପାଇଁ ଜଗତରନାଥ ଜଗନ୍ନାଥଙ୍କ ଏ ବେଶ । ସେ ପରା ମନୁଆ ଠାକୁର । ତା’ର ଇଛା ଥିଲା ନା ଆଉ କିଛିର ଆଭାସ୍ ଦେଉଛି ଭାବ ବିନୋଦିଆ । ସେଦିନର ଚିତ୍ର ଆଜି ବି ମନେ ପଡ଼ୁଛି ଯାହା ମନରୁ ଲିଭିନି । ସ୍ନାନପୂର୍ଣ୍ଣିମା ଦିନ ହଠାତ୍ ଦୀପ ଲିଭିଯିବା ଆଉ ଆଜି ବିନା ଟାହିଆରେ ମହାପ୍ରଭୁ ସିଂହଦ୍ବାରରୁ ସାରା ବିଶ୍ବକୁ ଦର୍ଶନ ଦେବା କ’ଣ ସୂଚାଉଛି । ଏହା ବାଦ୍ ଆଜି ଆଉ ଏକ ଭିନ୍ନ ଚିତ୍ର ସାମ୍ନାକୁ ଆସିଥିଲା । ପ୍ରଥମେ ବଡ଼ ଭାଇ ବଳଭଦ୍ର ଠାକୁର ପହଣ୍ଡି ବିଜେ କରିଥିଲେ, ପରେ ଦେବୀ ସୁଭଦ୍ରା ଏବଂ ଶେଷରେ ମହାପ୍ରଭୁ ଜଗନ୍ନାଥ । ବଳଭଦ୍ର ବିଜେ ସମୟରେ ଠାକୁର ଯେମିତି ଶୋଇପଡ଼ୁଥିବା ଦେଖାଯାଉଥିଲେ । ଏହାପରେ ମା’ ଆସିଥିଲେ । କିନ୍ତୁ ମହାପ୍ରଭୁ ଆଜି ଯେଭଳି ଟିକେ ବିଳମ୍ବ କରୁଥିଲେ । କ’ଣ କାରଣ ହୋଇପାରେ । କ’ଣ କିଛି ତ୍ରୁଟି ହୋଇଗଲା କି ଆଜି ସବୁରି ଓଡ଼ିଆ ମନରେ ଗୋଟିଏ ପ୍ରଶ୍ନ । କାହିଁକି ପ୍ରଭୁ ଅଟକି ରହିଥିଲେ । ଦୀର୍ଘ ସମୟ ଧରି ପ୍ରଭୁ ଆଜି ମନ୍ଦିର ଭିତରେ ରହିଯାଇଥିଲେ ।

ସେହିଭଳି ରଥଟଣା ଯଦି ଦେଖିବା ନିର୍ଦ୍ଧାରିତ ସମୟର ଦୀର୍ଘ ୧ ଘଣ୍ଟା ପରେ ରଥଟଣା ଆରମ୍ଭ ହୋଇଥିଲା । ବଡ଼ ଠାକୁରଙ୍କ ତାଳଧ୍ୱଜ କେବଳ ମାର୍କେଟ ଛକା ଯାଏ ଗଡ଼ି ପାରିଛି। ଦେବୀ ସୁଭଦ୍ରାଙ୍କ ଦର୍ପଦଳନ ମରିଚିକୋଟରେ ଅଟିକିଥିବାବେଳେ କାଳିଆ ସାଆନ୍ତଙ୍କ ନନ୍ଦିଘୋଷ ସିଂହଦ୍ୱାରରୁ ମାତ୍ର ୨ହାତ ଗଡ଼ି ଅଟକି ଯାଇଛି। ଆସନ୍ତାକାଲି ପୁଣି ରଥଟଣା ହେବ ବୋଲି ପ୍ରଶାସନ ପକ୍ଷରୁ କୁହାଯାଇଛି । ଆସନ୍ତାକାଲି ସକାଳ ୯.୩୦ରେ ରଥ ଟଣା ହେବ। ସେହିପରି ଆସନ୍ତାକାଲି ଆଡ଼ପ ମଣ୍ଡପ ପହଣ୍ଡି ହେବ ନାହିଁ। ଆସନ୍ତା ୧୮ରେ ଶ୍ରୀଜିଉ ଆଡ଼ପ ବିଜେ ହେବ। ରଥ ଟଣାକୁ ନେଇ ବି ପ୍ରଶ୍ନ ଉଠିଛି । ବିଳମ୍ବରେ କାହିଁକି କାର୍ଯ୍ୟ ହେଲା । ସବୁ କିଛି ପ୍ରସ୍ତୁତି ରହିଥିଲା । ବୈଠକ ପରେ ବୈଠକ ହୋଇଥିଲା । ଏହା କ’ଣ ପରିଚାଳନା ଗତ ତ୍ରୁଟି ନା ସେହି ମନୁଆ ଠାକୁରର ଇଛା । ସବୁକିଛି ଠିକ୍ ଅଛି ଯେ କିନ୍ତୁ କାଳିଆ ଠାକୁରର ଏ ତ୍ରୁଟିକୁ କେହି କେବେ ବରଦାସ୍ତ କରିପାରିନାହିଁ । ଯଦି ସରକାର ସ୍ତରରେ ଏହା ଭୁଲ୍ ହୋଇଛି ତେବେ ସୁଧାରିବା ନିହାତି ଆବଶ୍ୟକ । ନ ହେଲେ ସରକାର ବି ବଦନାମ୍ ହେବେ । ଏ ଜଗତରନାଥ ଜଗନ୍ନାଥ । ତାଙ୍କ ଠୁ ତ ରାଜନୀତି ଆରମ୍ଭ ହୁଏ । ସରକାରଙ୍କ ଓଭର କନଫିଡେନ୍ସରୁ ଏଭଳି ହେଲା କି । ଯାହା ଠାକୁର ଦର୍ଶାଇଦେଲେ । ସବୁ ତାଙ୍କରି ଇଛାରେ ହୁଏ ବୋଲି ।

ଆଜିର ଏହି ସବୁ ଚିତ୍ର ଦେଖି ପ୍ରତ୍ୟେକ ଓଡ଼ିଆଙ୍କ ମନରେ ଗୋଟିଏ ପ୍ରଶ୍ନ ସବୁ ତାଙ୍କରି ଇଛା ନା ଆଉ କିଛି ?