ଭୁବନେଶ୍ବର, ୧୮/୯: ୟୁପିଆଇ ପ୍ରସଙ୍ଗକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ୍ କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଦିଲ୍ଲୀରୁ ଫେରିବା ପରେ ନବୀନ ଛୋଟ ଦୋକାନୀ ବା କ୍ଷୁଦ୍ର ବ୍ୟବସାୟୀମାନଙ୍କ ସ୍ୱାର୍ଥ ଓ ସୁରକ୍ଷାକୁ ପ୍ରାଥମିକତା ଦିଆଯିବା ଉଚିତ୍ ବୋଲି କହିଛନ୍ତି । ୧୦ ଦିନ ପରେ ଦିଲ୍ଲୀରୁ ଫେରିଛନ୍ତି । ଇଣ୍ଡିଆର ନୂତନ ନିୟମ ଅନୁଯାୟୀ, ୧୫ ଅକ୍ଟୋବର ୨୦୨୬ରୁ କେବଳ ବ୍ୟବସାୟୀ ବା ମର୍ଚ୍ଚାଣ୍ଟମାନଙ୍କ ପାଇଁ ନୂଆ MDR ଚାର୍ଜ ଲାଗୁ ହେବାକୁ ଯାଉଛି । ଏହି ନୂଆ ନିୟମ ଅନୁଯାୟୀ
୨,୦୦୦ ପର୍ଯ୍ୟନ୍ତ କାରବାର ସମ୍ପୂର୍ଣ୍ଣ ମାଗଣା, ବ୍ୟବସାୟୀଙ୍କୁ କୌଣସି ଚାର୍ଜ ଦେବାକୁ ପଡ଼ିବ ନାହିଁ ।
୨,୦୦୦ ରୁ ଅଧିକ କାରବାରରେ ବଡ଼ ବ୍ୟବସାୟୀମାନଙ୍କ ପାଇଁ ୦.୪% MDR ଚାର୍ଜ ଲାଗିବ । ଏହି ଚାର୍ଜ ସର୍ବାଧିକ ୩୦୦ ଟଙ୍କା ପର୍ଯ୍ୟନ୍ତ ସୀମିତ ରହିବ ।ସ୍ୱତନ୍ତ୍ର ସେକ୍ଟର (ରେଳବାଇ, ତେଲ, ଇନସ୍ୟୁରାନ୍ସ, ଟେଲିକମ୍): ଏହି ସବୁ କ୍ଷେତ୍ରରେ ୨,୦୦୦ ରୁ ଅଧିକ କାରବାର ଉପରେ ମାତ୍ର ୫ ଟଙ୍କା ଫ୍ଲାଟ୍ ଚାର୍ଜ ଲାଗିବ ।
ଛୋଟ ବ୍ୟବସାୟୀ: ଯେଉଁ ଛୋଟ ଦୋକାନୀ ବା ରାସ୍ତାକଡ଼ର ବ୍ୟବସାୟୀମାନେ P2PM ବା ସ୍ୱଳ୍ପ କାରବାର ଶ୍ରେଣୀରେ ଆସନ୍ତି ଏବଂ ମାସକୁ ୧ ଲକ୍ଷ ପର୍ଯ୍ୟନ୍ତ ଟଙ୍କା ପାଆନ୍ତି, ସେମାନଙ୍କ ପାଇଁ ଏହି ଚାର୍ଜ ଲାଗୁ ହେବ ନାହିଁ ।
P2P (ଜଣଙ୍କ ଆକାଉଣ୍ଟରୁ ଅନ୍ୟଜଣଙ୍କ ଆକାଉଣ୍ଟକୁ): ସାଙ୍ଗସାଥୀ ବା ସମ୍ପର୍କୀୟଙ୍କୁ ୟୁପିଆଇ ମାଧ୍ୟମରେ ଟଙ୍କା ପଠାଇଲେ କୌଣସି ଚାର୍ଜ ଲାଗିବ ନାହିଁ, ଏହା ସମ୍ପୂର୍ଣ୍ଣ ମାଗଣା ରହିବ ।ବ୍ୟାଙ୍କ ଓ ସରକାରଙ୍କ ଗାଇଡଲାଇନ ଅନୁଯାୟୀ, ଦୋକାନୀମାନେ ଏହି MDR ଚାର୍ଜକୁ ଗ୍ରାହକଙ୍କ ଉପରେ ଲଦି ପାରିବେ ନାହିଁ କିମ୍ବା ୟୁପିଆଇ ଆପ୍ଗୁଡ଼ିକ କୌଣସି ଲୁକ୍କାୟିତ ପ୍ଲାଟଫର୍ମ ଫି’ ନେଇପାରିବେ ନାହିଁ ।
Leave a Reply