ଭୁବନେଶ୍ବର, ୧୮/୯: ନିର୍ବାଚନ ହାରିବା ପରେ ଯେପରି ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ଶନି ଦଶା ପଡ଼ିଛି । ଗୋଟିଏ ପରେ ଗୋଟିଏ ବିପଦ ତାଙ୍କ ଆଡ଼କୁ ମାଡ଼ି ଆସୁଛି । ନିଜ ଦଳ ମଧ୍ୟରେ ଫାଟକ, ଦଳୀୟ ଚିହ୍ନ କୁ ନେଇ ବିବାଦ ଏପରି ଅନେକ ବାଧା ସୃଷ୍ଟି ହେଉଥିବା ବେଳେ ଏବେ ପଶ୍ଚିମବଙ୍ଗର ନନ୍ଦୀଗ୍ରାମ ଉପନିର୍ବାଚନକୁ ନେଇ ବଡ଼ ରାଜନୈତିକ ମୋଡ଼ ଆସିଛି। ମମତା ବାନାର୍ଜୀଙ୍କ ନେତୃତ୍ୱାଧୀନ ଗୋଷ୍ଠୀର ପ୍ରାର୍ଥୀ ସଞ୍ଚିତା ପ୍ରଧାନ (ଦେ) ନନ୍ଦୀଗ୍ରାମ ଆସନରୁ ନିଜ ନାମାଙ୍କନ ପ୍ରତ୍ୟାହାର କରିଛନ୍ତି। ଯାହାକୁ ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି ।
ସେପଟେ ମମତା ବାନାର୍ଜୀ ନନ୍ଦୀଗ୍ରାମରେ କଂଗ୍ରେସ ପ୍ରାର୍ଥୀଙ୍କୁ ସମର୍ଥନ କରିବା ଘୋଷଣା କରିଛନ୍ତି।ସଞ୍ଚିତା ପ୍ରଧାନଙ୍କ ନାମାଙ୍କନ ପ୍ରତ୍ୟାହାର ପୂର୍ବରୁ ସେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କୁ ଭେଟିଥିଲେ। ଏହି ସାକ୍ଷାତକାର ପରେ ତାଙ୍କ ନିର୍ବାଚନ ଲଢ଼ିବାରୁ ଓହରିବା ନେଇ ରାଜନୈତିକ ଚର୍ଚ୍ଚା ଚର୍ଚ୍ଚା ହୋଇଛି। ତେବେ ନାମାଙ୍କନ ପ୍ରତ୍ୟାହାରର ତାଙ୍କ ବ୍ୟକ୍ତିଗତ କାରଣ ସମ୍ପର୍କରେ ସ୍ପଷ୍ଟ ସାର୍ବଜନୀନ ବିବୃତ୍ତି ମିଳିନାହିଁ।ସଞ୍ଚିତାଙ୍କ ନାମାଙ୍କନ ପ୍ରତ୍ୟାହାର ପରେ ମମତା ବାନାର୍ଜୀ ନନ୍ଦୀଗ୍ରାମରେ କଂଗ୍ରେସ ପ୍ରାର୍ଥୀ ମିଲନ ପ୍ରଧାନଙ୍କୁ ସମର୍ଥନ କରିବା ଘୋଷଣା କରିଛନ୍ତି। ଏହାକୁ ବ୍ୟାପକ ଜାତୀୟ ହିତରେ ନିଆଯାଇଥିବା ନିଷ୍ପତ୍ତି ବୋଲି ମମତା କହିଥିବା ରିପୋର୍ଟ ରହିଛି।
Leave a Reply