ଭୁବନେଶ୍ୱର/ ନୂଆଦିଲ୍ଲୀ, ୫/୧୦: ୨୦୨୬ ମସିହାର ମେଡିସିନ୍ ନୋବେଲ ପୁରସ୍କାର ଘୋଷଣା । ସୋମବାର କାରୋଲିନ୍ସ୍କା ଇନ୍ଷ୍ଟିଚ୍ୟୁଟ୍ରେ ନୋବେଲ କମିଟି ପକ୍ଷରୁ ଏହି ଘୋଷଣା ହୋଇଛି ।କାର୍ଲ ଡେଇସରୋଥ୍, ପିଟର ହେଗେମାନ୍ ଓ ଜର୍ଜ ନାଗେଲଙ୍କୁ ମିଳିବ ନୋବେଲ ପୁରସ୍କାର । ଆଲୋକ ବ୍ୟବହାର କରି ସ୍ନାୟୁକୋଷର କାମକୁ ନିୟନ୍ତ୍ରଣ କରିବାର ଉପାୟ ଖୋଜିଥିବାରୁ ସେମାନଙ୍କୁ ଏହି ପୁରସ୍କାର ମିଳିଛି।
୨୦୨୬ ବର୍ଷର ଶରୀର ବିଜ୍ଞାନ ଓ ଚିକିତ୍ସା ବିଜ୍ଞାନ ନୋବେଲ ପୁରସ୍କାର ୩ ଜଣ ବୈଜ୍ଞାନିକଙ୍କୁ ମିଳିଛି – ଆମେରିକାର କାର୍ଲ ଡେଇସରୋଥ୍, ଜର୍ମାନୀର ପିଟର ହେଗେମାନ୍ ଓ ଜର୍ଜ ନାଗେଲ।
ସେମାନଙ୍କ ଗବେଷଣା ଦ୍ୱାରା ବୈଜ୍ଞାନିକମାନେ ଆଲୋକ ପକାଇ ନିର୍ଦ୍ଦିଷ୍ଟ ସ୍ନାୟୁକୋଷକୁ ଚାଲୁ କିମ୍ବା ବନ୍ଦ କରିପାରୁଛନ୍ତି। ଏହି ପଦ୍ଧତିକୁ ‘ଅପ୍ଟୋଜେନେଟିକ୍ସ’ କୁହାଯାଏ। ମସ୍ତିଷ୍କ କିପରି କାମ କରେ, ତାହା ଜାଣିବାରେ ଏହା ବୈଜ୍ଞାନିକମାନଙ୍କୁ ବହୁତ ସାହାଯ୍ୟ କରିଛି।
ସେମାନେ *ଅପ୍ଟୋଜେନେଟିକ୍ସ* ନାମକ ବୈପ୍ଲବିକ ପଦ୍ଧତି ଆବିଷ୍କାର କରିଥିଲେ, ଯେଉଁଥିରେ ଆଲୋକ ବ୍ୟବହାର କରି ମସ୍ତିଷ୍କର ସ୍ନାୟୁକୋଷକୁ ନିୟନ୍ତ୍ରଣ କରାଯାଇପାରେ। ଏହା ଦ୍ୱାରା ପାର୍କିନ୍ସନ୍, ମାନସିକ ଅବସାଦ, ଓ ମସ୍ତିଷ୍କ ରୋଗ ବୁଝିବାରେ ବଡ଼ ସହାୟତା ମିଳିଛି।
ଅପ୍ଟୋଜେନେଟିକ୍ସ ହେଉଛି ଏକ ନୂଆ ବୈଜ୍ଞାନିକ ପଦ୍ଧତି। ଏଥିରେ ଜିନ୍ର ସାହାଯ୍ୟ ନେଇ କିଛି ନିର୍ଦ୍ଦିଷ୍ଟ କୋଷକୁ ଆଲୋକ ପ୍ରତି ସମ୍ବେଦନଶୀଳ କରାଯାଏ। ଏହାପରେ ସେହି କୋଷ ଉପରେ ଆଲୋକ ପକାଇ ତାହାର କାମକୁ ବଦଳାଯାଇପାରେ।
ଏଥିରେ ‘ଅପ୍ସିନ୍’ ନାମକ ଏକ ପ୍ରକାର ପ୍ରୋଟିନ୍ର ବ୍ୟବହାର ହୁଏ। ଏହାକୁ ଏକ ଛୋଟ ‘ସ୍ୱିଚ୍’ ଭଳି ବୁଝିହେବ। ଆଲୋକ ପଡ଼ିଲେ ଏହା କୋଷକୁ ଚାଲୁ କିମ୍ବା ବନ୍ଦ କରିବାରେ ସାହାଯ୍ୟ କରେ। ଏହି ପଦ୍ଧତିଟି ଆଲୋକ ଦେଖି ବଦଳୁଥିବା କିଛି ଛୋଟ ଜୀବଙ୍କ ପ୍ରୋଟିନ୍ ଉପରେ ଗବେଷଣା କରି ଆରମ୍ଭ ହୋଇଥିଲା। ପିଟର ହେଗେମାନ୍ ଶୈବାଳରେ ଥିବା ଆଲୋକ ପ୍ରତି ସମ୍ବେଦନଶୀଳ ପ୍ରୋଟିନ୍ ଉପରେ ଗବେଷଣା କରିଥିଲେ। ଏଥିରୁ ‘ଚ୍ୟାନେଲ୍ରୋଡପ୍ସିନ୍’ ଭଳି ପ୍ରୋଟିନ୍ ବିଷୟରେ ଜଣାପଡ଼ିଥିଲା।
ଜର୍ଜ ନାଗେଲ୍ ଏହି ପ୍ରୋଟିନ୍ କିପରି କାମ କରେ, ତାହା ବୁଝିବାରେ ବଡ଼ ଭୂମିକା ନେଇଥିଲେ। ପରେ କାର୍ଲ ଡେଇସରୋଥ୍ ଏହି ଜ୍ଞାନକୁ ମସ୍ତିଷ୍କ ଓ ସ୍ନାୟୁକୋଷ ଗବେଷଣାରେ ବ୍ୟବହାର କରିଥିଲେ। ତାଙ୍କ କାମ ଯୋଗୁଁ ଅପ୍ଟୋଜେନେଟିକ୍ସ ମସ୍ତିଷ୍କ ଗବେଷଣାର ଏକ ଦରକାରୀ ପଦ୍ଧତି ହୋଇପାରିଥିଲା।
Leave a Reply