ଭୁବନେଶ୍ୱର/ନୂଆଦିଲ୍ଲୀ, ୩/୧୦: ଜାମସେଦପୁରର ବ୍ୟବସାୟୀ ଜ୍ଞାନଚନ୍ଦ ଜୟସ୍ୱାଲ ଓରଫ ବବ୍ଲୁ ଜୟସ୍ୱାଲ ଏବଂ ତାଙ୍କ ପୁଅ ରାଜ ଜୟସ୍ୱାଲଙ୍କୁ ଗିରଫ | ପ୍ରାୟ ୭୩୪ କୋଟି ଟଙ୍କାର GST ଠକେଇ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଉଭୟଙ୍କୁ ଗିରଫ କରିଛି | ସେପ୍ଟେମ୍ବର ୩୦ରେ ଉଭୟଙ୍କୁ ଗିରଫ କରାଯାଇଥିଲା। ଜାମସେଦପୁର, ଆଦିତ୍ୟପୁର, ଗମ୍ହାରିଆ ଓ କୋଲକାତାର ବିଭିନ୍ନ ସ୍ଥାନରେ ଚଢ଼ାଉ ପରେ ଦୁଇ ଅଭିଯୁକ୍ତଙ୍କୁ ରାଞ୍ଚି ଅଣାଯାଇଥିଲା। କୋର୍ଟରେ ହାଜର କରିବା ପୂର୍ବରୁ ED ସେମାନଙ୍କୁ ପଚରାଉଚରା କରିଥିଲା।
ତଦନ୍ତକାରୀ ସଂସ୍ଥାର ଦାବି ଅନୁସାରେ, ବାସ୍ତବରେ ସାମଗ୍ରୀ କିଣାବିକା କରାନଯାଇ ଜାଲ୍ ଇନଭଏସ୍ ମାଧ୍ୟମରେ ଇନପୁଟ୍ ଟ୍ୟାକ୍ସ କ୍ରେଡିଟ୍ (ITC) ହାସଲ କରାଯାଇଥିବା ସନ୍ଦେହ ରହିଛି। ସେଲ୍ କମ୍ପାନୀ ଓ କାଗଜପତ୍ରରେ ହେଉଥିବା କାରବାର ମାଧ୍ୟମରେ ବଡ଼ ଧରଣର ITC ହେରଫେର ହୋଇଥିବା ନେଇ ତଦନ୍ତ ଚାଲିଛି।
ଚଢ଼ାଉ ବେଳେ ବ୍ୟବସାୟିକ ଦଲିଲ, GST ରେକର୍ଡ, ବ୍ୟାଙ୍କ ଓ ଆର୍ଥିକ କାରବାର ସମ୍ବନ୍ଧୀୟ କାଗଜପତ୍ର ସହ ଇଲେକ୍ଟ୍ରୋନିକ୍ ଉପକରଣ ଯାଞ୍ଚ କରାଯାଇଥିଲା। ଏହି ମାମଲାର ପ୍ରାଥମିକ ତଦନ୍ତ DGGI, ଜାମସେଦପୁର କରିଥିଲା।
ଜିଏସଟି (GST) ଇନପୁଟ୍ ଟ୍ୟାକ୍ସ କ୍ରେଡିଟ୍ (ITC) ଜାଲିଆତି ମାମଲାର ତଦନ୍ତ ସମ୍ବନ୍ଧରେ, ପ୍ରବର୍ତ୍ତନ ନିର୍ଦ୍ଦେଶାଳୟ (ED)ର ରାଞ୍ଚି ଆଞ୍ଚଳିକ କାର୍ଯ୍ୟାଳୟ ‘ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ’ (PMLA), ୨୦୦୨ର ଧାରା ୧୯ ଅନୁଯାୟୀ ୩୦.୦୯.୨୦୨୬ ତାରିଖରେ ଜ୍ଞାନ ଚାନ୍ଦ ଜୈସ୍ୱାଲ (ବାବଲୁ ଜୈସ୍ୱାଲ) ଏବଂ ରାଜ୍ ଜୈସ୍ୱାଲଙ୍କୁ ଗିରଫ କରିଛି। ସେମାନଙ୍କୁ ୦୧.୧୦.୨୦୨୬ ତାରିଖରେ ରାଞ୍ଚିସ୍ଥିତ ମାନ୍ୟବର ସ୍ୱତନ୍ତ୍ର PMLA କୋର୍ଟରେ ହାଜର କରାଯାଇଥିଲା ଏବଂ କୋର୍ଟ ସେମାନଙ୍କୁ ବିଚାର ବିଭାଗୀୟ ହାଜତକୁ ପଠାଇଥିଲେ। ଝାଡ଼ଖଣ୍ଡର ଜାମସେଦପୁର ଏବଂ ପଶ୍ଚିମବଙ୍ଗର କୋଲକାତା ସ୍ଥିତ ଜ୍ଞାନ ଚାନ୍ଦ ଜୈସ୍ୱାଲ (ବାବଲୁ ଜୈସ୍ୱାଲ), ସଞ୍ଜୟ ପାରେଖ (ସିଏ) ଓ ଅନ୍ୟମାନଙ୍କ ବାସସ୍ଥାନ ଓ କାର୍ଯ୍ୟାଳୟ ସମ୍ବନ୍ଧୀୟ ଚାରୋଟି ସ୍ଥାନରେ PMLA, ୨୦୦୨ର ଧାରା ୧୭ ଅନୁଯାୟୀ ଚଢ଼ଉ ଓ ଜବତ କାର୍ଯ୍ୟାନୁଷ୍ଠାନ ପରେ ଏହି ଗିରଫଦାରୀ କରାଯାଇଥିଲା। ଚଢ଼ଉ ସମୟରେ ବିଭିନ୍ନ ଅପରାଧ ସମ୍ବନ୍ଧୀୟ ଦସ୍ତାବିଜ୍ ଏବଂ ଡିଜିଟାଲ୍ ଉପକରଣ ମିଳିଥିଲା ଓ PMLAର ଉପଯୁକ୍ତ ବ୍ୟବସ୍ଥା ଅନୁଯାୟୀ ସେଗୁଡ଼ିକୁ ଜବତ କରାଯାଇଥିଲା।
Leave a Reply