ଭୁବନେଶ୍ବର, ୧୯/୯: ଅଧାବାଟରେ ଜଗି ବସିଥିଲା ମୃତ୍ୟୁ। ଲୋକ ଶୂନ୍ୟ ହୋଇଗଲା ଗୋଟିଏ ପରିବାର । ଏକାଥରେ ଚାଲିଗଲା ୮ ଜଣଙ୍କ ଜୀବନ । ମୃତକ ସମସ୍ତେ ଭୁବନେଶ୍ବର ବାସିନ୍ଦା । ମଧ୍ୟପ୍ରଦେଶରେ ଘଟିଛି ଏହି ଦୁଃଖଦ ଘଟଣା । ନାଳ ପାର୍ ବେଳେ କାର୍ ଭାସି ଯାଇ ୮ ଜଣଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ୨ ମହିଳା, ୩ ପୁରୁଷ ଓ ୩ ଶିଶୁଙ୍କ ରହିଛନ୍ତି । ନାଲଖେଡା ଜିଲ୍ଲାର ମା’ ବଗଳାମୁଖୀ ମନ୍ଦିର ନିକଟରେ ଏକ ପ୍ରଖର ସ୍ରୋତ ଥିବା ବର୍ଷା ଜଳ ଭର୍ତ୍ତି ନାଳରେ କାର ଭାସି ଯାଇ ଏଭଳି ଅଘଟଣ ଘଟିଥିବା ନେଇ ଶନିବାର ଖବର ମିଳିଛି।ଦୁର୍ଘଟଣାରେ କାରରେ ଥିବା ଆଠ ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ତିନି ଜଣ ଶିଶୁ, ଦୁଇ ଜଣ ମହିଳା ଏବଂ ତିନି ଜଣ ପୁରୁଷ ଅଛନ୍ତି। ସମସ୍ତ ମୃତକ ଓଡ଼ିଶା ଭୁବନେଶ୍ୱର ଜୟଦେବବିହାରର ବୋଲି ଜଣାପଡ଼ିଛି। ବାସିନ୍ଦା ବୋଲି ଜଣାପଡ଼ିଛି।
ସୂଚନା ଅନୁଯାୟୀ, ଶ୍ରଦ୍ଧାଳୁମାନେ ନାଲଖେଡାର ମା’ ବଗଳାମୁଖୀ ମାତା ମନ୍ଦିର ଦର୍ଶନ ପାଇଁ ଉଜ୍ଜୟିନୀରୁ ଏକ ଟ୍ୟାକ୍ସି ଭଡ଼ା କରିଥିଲେ। ଦର୍ଶନ ପରେ ଫେରୁଥିବା ସମୟରେ ପ୍ରବଳ ବର୍ଷା ଯୋଗୁଁଁ ମନ୍ଦିର ନିକଟରେ ଥିବା ବର୍ଷା ଜଳ ନାଳରେ ପ୍ରବାହିତ ହୋଇଯାଇଥିଲା ଏବଂ ପ୍ରବଳ ସ୍ରୋତରେ କାରଟି ଭାସି ଯାଇଥିଲା। ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପ୍ରଶାସନିକ ଅଧିକାରୀ ଏବଂ ଏକ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ। ବହୁତ ଚେଷ୍ଟା ପରେ, ନାଳରୁ କାରଟିକୁ ବାହାର କରିଥିଲେ। କାରରେ ଥିବା ସମସ୍ତ ଆଠ ଜଣଙ୍କର ମୃତ ଦେହ ଉଦ୍ଧାର କରାଯାଇଥିଲା। ପୁଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ଡ୍ରାଇଭର ପ୍ରବଳ ସ୍ରୋତ ମଧ୍ୟରେ ଶୀଘ୍ର ନାଳ ପାର ହେବାକୁ ଚେଷ୍ଟା କରିଥିଲେ, ଯାହା ଫଳରେ କାରଟି ଫସି ଯାଇ ଭାସି ଯାଇଥିଲା।
Leave a Reply