ଭୁବନେଶ୍ୱର, ୨୫/୯: ନାଗୋୟା ଏସିଆନ ଗେମ୍ସ ୨୦୨୬ରେ ଭାରତକୁ ଦ୍ୱିତୀୟ ସ୍ୱର୍ଣ୍ଣ। ୧୦ମି ଏୟାର ପିସ୍ତଲ ମିକ୍ସଡ ଟିମରେ କମଲଜିତ ଓ ସୁରୁଚି ସିଂହ ସ୍ୱର୍ଣ୍ଣ ଜିତିଲେ। ଏହା ପୂର୍ବରୁ ଭାରତୀୟ ମହିଳା କ୍ରିକେଟ ଦଳ ସ୍ବର୍ଣ୍ଣ ପଦକ ଜିତିଥିଲା।
୧୦ ମିଟର ଏୟାର ପିସ୍ତଲ ମିକ୍ସଡ ଟିମ ଇଭେଣ୍ଟର ଫାଇନାଲ୍ରେ କମଲଜିତ ଓ ସୁରୁଚି ଆରମ୍ଭରୁ ନିଜର ଦବଦବା ବଜାୟ ରଖିଥିଲେ। ପ୍ରତିଯୋଗିତାର ପ୍ରାୟ ସମସ୍ତ ପର୍ଯ୍ୟାୟରେ ଏହି ଭାରତୀୟ ଯୋଡ଼ି ଶୀର୍ଷ ସ୍ଥାନରେ ରହିବାରେ ସଫଳ ହୋଇଥିଲେ।
ଶେଷରେ କମଲଜିତ ଓ ସୁରୁଚି ୪୮୪.୬ ପଏଣ୍ଟ ସହ ଫାଇନାଲ ଶେଷ କରି ସ୍ବର୍ଣ୍ଣ ପଦକ ନିଜ ନାମରେ କରିଥିଲେ। ଦୁଇ ଶୁଟରଙ୍କ ଏହି ପ୍ରଦର୍ଶନ ଭାରତୀୟ ଶିବିରରେ ଖୁସିର ମାହୋଲ ସୃଷ୍ଟି କରିଛି। ସ୍ବର୍ଣ୍ଣ ପଦକ ଜିତିବା ସହିତ କମଲଜିତ ଓ ସୁରୁଚି ଏକ ବଡ଼ ରେକର୍ଡ ନିକଟରେ ମଧ୍ୟ ପହଞ୍ଚିଥିଲେ। ମାତ୍ର ୩.୮ ପଏଣ୍ଟ ପାଇଁ ଏହି ଭାରତୀୟ ଯୋଡ଼ି ବିଶ୍ୱ ରେକର୍ଡ ଭାଙ୍ଗିବାରୁ ବଞ୍ଚିତ ହୋଇଛନ୍ତି। ତେବେ ବିଶ୍ୱ ରେକର୍ଡ ଭାଙ୍ଗିବାରୁ ଅଳ୍ପ ଦୂରରେ ରହିଥିଲେ ମଧ୍ୟ ଏସିଆନ ଗେମ୍ସରେ ସ୍ବର୍ଣ୍ଣ ଜିତି ଭାରତୀୟ ଦଳର ପଦକ ଅଭିଯାନକୁ ଆହୁରି ମଜଭୁତ କରିଛନ୍ତି କମଲଜିତ ଓ ସୁରୁଚି।
ଏହି ସ୍ବର୍ଣ୍ଣ ସହ ଏସିଆନ ଗେମ୍ସ ୨୦୨୬ରେ ଭାରତର ପଦକ ଆଶା ଆହୁରି ବଢ଼ିଛି।
Leave a Reply