ଭୁବନେଶ୍ୱର/ ନୂଆଦିଲ୍ଲୀ, ୬/୧୦: ଚଳିତ ବର୍ଷ ପାଇଁ ଫିଜିକ୍ସରେ ନୋବଲ୍ ପୁରସ୍କାର ଘୋଷଣା ହୋଇଛି । ବିଶିଷ୍ଟ ପଦାର୍ଥ ବିଜ୍ଞାନୀ ଫାନ୍ସିସ ହାଲ୍ଜେନଙ୍କୁ ଏହି ପୁରସ୍କାର ପ୍ରଦାନ କରାଯିବ । ଆଇସ କ୍ୟୁବ୍ ନ୍ୟୁଟ୍ରିନୋ ଅବଜରଭେଟୋରିରେ ତାଙ୍କ ଗବେଷଣା ପାଇଁ ଏହି ପଦାର୍ଥ ବିଜ୍ଞାନୀଙ୍କୁ ଚିଳିତ ବର୍ଷର ନୋବଲ୍ ପୁରସ୍କାର ପ୍ରଦାନ କରାଯିବ ବୋଲି ଦ ରୟାଲ ସୁଇସ୍୍ ଏକାଠେମୀ ଅଫ ସାଇନ୍ସ ପକ୍ଷରୁ କୁହାଯାଇଛି ।
ବେଲଜିୟମ-ଆମେରିକା ବୈଜ୍ଞାନିକ ହାଲଜେନ ୱିସ୍କନସିନ-ମାଡିସନ ବିଶ୍ୱବିଦ୍ୟାଳୟରେ ପଦାର୍ଥ ବିଜ୍ଞାନ ବିଭାଗର ପ୍ରଫେସର ଅଛନ୍ତି । ଏହା ପୂର୍ବରୁ ସୋମବାର ମେଡିସିନ୍ ପାଇଁ ଚଳିତ ବର୍ଷର ନୋବଲ ପୁରସ୍କାର ଘୋଷଣା କରାଯାଇସାରିଛି । ଆମେରିକା ବୈଜ୍ଞାନିକ କାର୍ଲ ଡେସେରୋଥ୍, ଜର୍ମାନୀ ବୈଜ୍ଞାନିକ ପିଟର ହେଗେମ୍ୟାନ୍ ଏବଂ ଜର୍ଜ ନାଗେଲ୍ ଯୁଗ୍ମ ଭାବେ ଏହି ପୁରସ୍କାର ପାଇବା ପାଇଁ ମନୋନୀତ ହୋଇଛନ୍ତି । ଡେସେରୋଥ୍ ଷ୍ଟାଣ୍ଡଫୋର୍ଡ ସ୍ଥିତ ହାୱାର୍ଡ ହ୍ୟୁଜେସ ମେଡିକାଲ ଇନଷ୍ଟିଚ୍ୟୁଟରେ ପ୍ରଫେସର ଥିବା ବେଳେ ହେଗେମ୍ୟାନ୍ ବର୍ଲିନ ୟୁନିଭରସିଟିରେ ପ୍ରଫେସର ଅଛନ୍ତି । ସେହିପରି ନାଗେଲ୍ ଜର୍ମାନୀର ୱରଜୁବର୍ଗ ବିଶ୍ୱବିଦ୍ୟାଳୟରେ ପ୍ରଫେସର ଅଛନ୍ତି । ଅପ୍ଟୋଜେନେଟିକ୍ରେ ଉନ୍ନତ ଗବେଷଣା ପାଇଁ ଏହି ବୈଜ୍ଞାନିକମାନଙ୍କୁ ନୋବଲ ପୁରସ୍କାରରେ ସମ୍ମାନିତ କରାଯିବ ବୋଲି ନୋବଲ୍ କମିଟି ପକ୍ଷରୁ କୁହାଯାଇଛି ।
ଭୂତ କଣିକା ‘ନ୍ୟୁଟ୍ରିନୋ’ର ରହସ୍ୟ ଭେଦ ପାଇଁ ଏହି ସମ୍ମାନ ମିଳିଛି ।
ବେଲଜିୟମ-ଆମେରିକୀୟ ପଦାର୍ଥ ବିଜ୍ଞାନୀ ଫ୍ରାନ୍ସିସ ହାଲଜେନ (୮୨)ଙ୍କୁ ଆଣ୍ଟାର୍କଟିକାର ଆଇସକ୍ୟୁବ ନ୍ୟୁଟ୍ରିନୋ ଅବଜରଭେଟୋରୀ ପ୍ରତିଷ୍ଠା ଓ ଉଚ୍ଚ ଶକ୍ତି ସମ୍ପନ୍ନ ମହାଜାଗତିକ ନ୍ୟୁଟ୍ରିନୋ ଆବିଷ୍କାର ପାଇଁ ଏହି ପୁରସ୍କାର ମିଳିଛି। ୧୯୯୮ରେ ଦକ୍ଷିଣ ମେରୁର ବରଫ ଭିତରେ ୧ ଘନ କିଲୋମିଟର ଡିଟେକ୍ଟର ବସାଇବାର ସ୍ୱପ୍ନ ଦେଖିଥିଲେ, ଯାହା ୨୦୧୧ରେ ସାକାର ହେଲା ଓ ନୂଆ ପ୍ରକାର ଜ୍ୟୋତିର୍ବିଜ୍ଞାନର ଦ୍ୱାର ଖୋଲିଲା।
Leave a Reply