ଭୁବନେଶ୍ୱର, ୧୪/୯: ଧରାପୃଷ୍ଠକୁ ଆଗମନ କରିଛନ୍ତି ଭଗବାନ ଗଣେଶ । ତାଙ୍କ ଆଗମନକୁ ନେଇ ଚଳଚଞ୍ଚଳ ହୋଇ ଉଠିଛି ପୁର ଠୁ ପଲ୍ଲୀ। ଭକତ ଓ ଭଗବାନ ଙ୍କ ମିଳନ ହୋଇଛି। ଘଣ୍ଟ ଘଣ୍ଟା ର ପ୍ରକମ୍ପିତ ପରିବେଶ । ଧାର୍ମିକ ବିଶ୍ୱାସ ଅନୁସାରେ, ବିଘ୍ନହର୍ତ୍ତା ଗଣେଶଙ୍କୁ ପୂଜା କଲେ ଜୀବନର ସମସ୍ତ ବାଧାବିଘ୍ନ ଦୂର ହେବା ସହ ଘରେ ସୁଖ, ଶାନ୍ତି ଓ ସମୃଦ୍ଧି ଆସିଥାଏ ବୋଲି କୁହାଯାଏ।
ଅଗ୍ରପୂଜ୍ୟ ପ୍ରଭୁ ଗଜାନନଙ୍କ ପୂଜା ପାଇଁ ଉତ୍ସବମୁଖର ହୋଇଉଠିଛି ସାରା ଦେଶ। ଓଡ଼ିଶାର ବିଭିନ୍ନ ଶିକ୍ଷାନୁଷ୍ଠାନ ଓ ପ୍ରତିଷ୍ଠାନରେ ଭକ୍ତି ଓ ଶ୍ରଦ୍ଧାର ସହ ଗଣେଶ ପୂଜା ପାଳନ କରାଯାଉଛି। ଆଲୋକମାଳାରେ ସଜେଇ ହୋଇଥିବା ତୋରଣ ଓ ସୁସଜ୍ଜିତ ମଣ୍ଡପରେ ପୂଜା ପାଉଛନ୍ତି ପ୍ରଭୁ ଗଜାନନ। ମନ୍ତ୍ରପାଠ ଓ ଘଣ୍ଟଘଣ୍ଟାର ଧ୍ୱନିରେ ମୁଖରିତ ହେଉଛି ପରିବେଶ। କେବଳ ଓଡ଼ିଶା ନୁହେଁ, ଦେଶର ବିଭିନ୍ନ ରାଜ୍ୟରେ ମଧ୍ୟ ଗଣେଶ ଉତ୍ସବକୁ ଭକ୍ତି ଓ ଉତ୍ସାହର ସହ ପାଳନ କରାଯାଉଛି। ବିଶେଷକରି ମହାରାଷ୍ଟ୍ର ସମେତ ଦକ୍ଷିଣ ଭାରତର ବିଭିନ୍ନ ସ୍ଥାନରେ ଧୁମଧାମରେ ପାଳିତ ହେଉଛି ଗଣେଶ ପୂଜା।
Leave a Reply